زعلان

ـ1ـ

زِعْلانْ.. يِبْسِ الْوَرْدْ عَ تِمِّكْ

وْخِتْيَارْ صَارْ وْمَا قِدِرْ شَمِّكْ

وْلا حِمْلِك بْإِيدُو

وْزَيَّنْ سَهَرْ عِيدُو

وْخَلاَّ الْعُيُون بْلَحظها تْضُمِّكْ

ـ2ـ

زِعْلانْ.. رَاحْ وْبَيْعَد الْمشْوَارْ

حَامِل عَذَابُو نَار تِحْرُق نَارْ

وِشْفَافْ مشْتَاقِينْ

غِرْقُوا بْأَسَى تِشْرِينْ

وْخَزَّق تْيَابُو مْنِ الْقَهر نُوَّارْ

ـ3ـ

طلِّي انْدَهِيلُو.. بْيِسْمَعِكْ

غَاب وْتَرَكْ فِكْرُو مَعِكْ

والْعُمر عَم بِيمُرّْ

صَرْخِة ضَجَرْ

مِنْ تِمّ بَشَرْ

يِمْكِنْ عَ غَفْلِه تْوَقّعِكْ

بِالسِّرّْ..

**