جنوبيّة

ـ1ـ

قَالُوا عَنِّي جْنُوبِيِّه

صَرْخِتْهَا لُبْنَانِيِّه

صَفَّى قَلْبِي يْوَزِّعْ فَرَحُو

هْدَايَا لِلأَطْفَال الْـ نَزَحُوا

وْسَكْنُوا بْيُوت الْغِنِّيِّه

ـ2ـ

جْنُوبِيِّه.. مْنِ بْنَات الشَّعبْ

اللّي تْغَلَّبْ عَ جْنُون الْحَرْبْ

حِلَّفْتِكْ يَا شَمْس الْفُقَرَا

خَلِّي بْلادِي يْزَهِّرْ قَمَرَا:

حُبّ وْخَيْر وْحِنِّيِّه

ـ3ـ

عُمْرِي نَادِرْتُو لِبْلادْ

مشْتَاقَه يْطلُّوا الأَعْيَادْ

يَا زِينَات عْيَادِي وْأَمَلِي

ضَوِّي.. ضَوِّي لْيَالِي جَبَلِي

بَرْكِي بْتِحْلَى السَّهْرِيِّه

ـ4ـ

قَلْبِي زْغَيَّرْ مَا بِيسَاعْ

تَا خَبِّي مُدُنْ وِضْيَاعْ

مَزْرُوعَه بْجَنَّاتكْ.. بَلَدِي

وْمِنْصَانِه بِالْمَجْد الأَبَدِي

وْبِالْعِزِّه الإِلَهِيِّه

**