ـ1ـ
كِلّ الْكِلْمات اللِّي حْكِيتَا
نْسِيتَا..
وْكِلّ الدَّمْعاتْ اللِّي بْكِيتَا
مْحِيتَا
بْإِيدَيْن مْيَبَّسْهَا الْبُغْضْ
ما تْرَكْتَا تِزْحَفْ عَ الأَرْضْ
وِتْنَضِّفْ طُرْقات مْشِيتَا!
ـ2ـ
فَجْرِكْ لِمِّنْ طَلّ خْيَالُو
انْشَالُوا
مْنِ عْيُونُو عِينَيْن طْفَالُو
وْقَالُوا:
فَجْرِكْ أَسْوَدْ مِتْل اللَّيْلْ
جَارِرْ خَلْفُو حقْد وْوَيْلْ
وْعَمْ بِيطَفِّي حَالُو بْحالُو!
ـ3ـ
وِالزَّهْر الْـ زَيَّنْ سَهْرَاتِكْ
مِنْ نَهْدَاتِكْ
غَيَّرْ لَوْنُو.. وْمِنْ حَكْيَاتِكْ
مِنْ كِذْبَاتِكْ
جَدَّلْ لِلسَّهْرات مْشَانِقْ
وْبَدُّو يْقَاتِلْ.. بَدُّو يْخَانِقْ
وِسْلاحُو كِذْب بْنَظْرَاتِكْ!
**
