حصانك شفافي

 

ـ1ـ

قلبي إذا بيدق

بيدق كرمالِكْ

والصدر لو ينشق

رح يظهر خيالِكْ

بدونك أنا غباشه

ماشي.. ومش ماشي

لعندك طويله الدرب

والنار عم بتهبّ

تا تحرق فراشه

ـ2ـ

يا ريت فيي بوح

بحبك.. يا احلى شمس

ويا ريت فيي سوح

بعبِّك.. شي ليله بس

تا إزرع البوسات

ع تلال مخفيّه

وتا آخد قياسات

جسمك.. بـ عينيي

ـ3ـ

لا تظلمي المظلوم

بيكفيني منك ظلم

عارف أنا رح قوم

بس ينتهي هالفيلم

وعارف إذا رح طل

رح تندهي تا غلّ

بـ حضنك الدافي

والحضن.. بير كبير

وكل ما غرقت بالبير

صوتك بيقللي: ضل

عنتر ع راس التل

وسيفك دهب.. منسلّ

وحصانك شفافي

**